7:51 AM
كفاية نوم كفاية كسل
من اسبوع كنت تغيبت على النت وحرمت نفسى منه عشان ابتدى
يسحب وقت كبير من حياتى ومش بعمل الخطط اللى كان متفق عليها
والحمد لله الواحد فاق وسمع كام درس
طبعا عن رمضـــــــــان
شهر الرحمة والمغفرة
انا هحط درس لدكتور حازم شومان ياريت بجد تسمعوه
وركزوا معاه اوى لما يقول احنا نازلين مع حيتان قرآن وحيتان قيام
عاوزين نلحق لنا مكان حول الرسول
عاوزين مش بس فى رمضان ... لا ..لازم بروفه لاستقبال رمضان
شوية تمارين على باب رمضان شوية تمارين فى شعبان
ياريت تسمعوه بقلوبكم ونبتدى الايام دية
لنستقبل رمضـــان
جزاكم الله خيرا وتقبل الله منا صالح اعمالنا
Labels: دروس
Posted by مش هقول انا حرة at 7:51 AM
9:29 AM
ما انتى عشان مش بتقفى فى المطبخ
كلمة البنات بتسمعها كتير اوى كل اما يقعوا فى غلطة فى المطبخ :D
وتتبع بعده كلمات منها....قبلينى ان اتجوزتى....هترجعلنا بعد اول شهر
واحيانا عشان الزيت بيغلى وكله بيغلى
هترجعلنا بعد اول اسبوع
وطبعا نروح احنا متنرفزين
بس انهاردة اتاكدت من ان الامهات عندها حق :D
المشاهدات:انتى هتغلطى ولا اية ... انتى بس اللى شكلك مش واخدة على عمايل
البيت
انا: لا مش هغلط ياستى ما انا بنت بردو...ولكن كلٌ منا له غلطات
بعد الرغى دة كله انا كاتبه الموضوع عشان بس اطمن على شبابى:D
عاوزة اعرف لو حصلك موقف فى المطبخ اية هو
وهبدأ انا موقف طازة:D
انهاردة كالعادة ماما فضلت تزعق على المواعين وطبعا تزعق للعبده لله
حاضر ياستى هقوم اهو انت تؤمر
وبالتالى دخلت حجرة التعذيب ..المطبخ..واستعديت للعملية
بس ملقيتش المكون السحرى قاتل الجراثيم
يييييييييية... خلاص هحط شوية من ذلك السائل الرغوى والذى ارى امى
تستخدمه مع بضع
من الماء وفوالا ويتكون المسحوق السحرى
فبحثت على الصابون السائل ...
ها هو اصفر اللون ...بس هو تقيل ولزوجته عالية وغير انسيابى كدة ليه
لابد لانه برائحة اللمون :smart:
ها انا ذا افتح البرطمان وسأبدأ بوضعه مع الماء
اخويا: مش معقولة... اختى واقفة فى المطبخ؟؟؟؟ وعلامات تعجب
الضحية: ملكش دعوة
اخويا: علامات التعجب زادت ....بتعملى اييييييييييييييية
الضحية : انتى جبتلى صداع على فكرة
اخى وقد ذهب مسرعا لوالدتى : الحقى ياماما ...بنتك هتغسل المواعين
بعســــــــــــــــــــل
طبعا انا ولا اتأثرت وقلت اية يابنى انا بس كنت بشم ريحته :D
وكان موقف غير لطيف بالمرة مع تلك العائلة حيث انها من النوع .اللى بتمسك
فى اى حاجة ويعدوا يتريأوا لسنة
>_>
:Dالحمد لله عدت على خير
انتوا باة اية علاقتكوا بالمطبخ وحكايتك معاه
:D
Labels: كلام فى كلام
Posted by مش هقول انا حرة at 9:29 AM
11:22 PM
جت عليا يعنى!!!!
بسم الله الرحمن الرحيم
اعزائنا المشاهد والمشاهدة والاطفال من سن 40
بدءا من اليوم الموافق الثانى من شهر شعبان يوم الاربعاء
سيتغير العالم ويتحول من سائل لصلب
لدخولى الى ذلك الشئ الذى يدعى
مدونة
المشاهدين:اية الرغى دة كله
انا: معلش استحملوا لازم بس اعملى برستيجى
ام هند
لو حد شاف اللى انا عاملاه دة يصقف جامد زى مجلس الشعب
وهنا هعرض اعتراضاتى اللا متناهية عن ....
ربنا يستر تعدى الليله على خير
وعليكم السلام
Labels: كلام فى كلام
Posted by مش هقول انا حرة at 11:22 PM
